Бүртгэл болон дата устгах

Сүүлд шинэчилсэн: 2026.08.22

Та Hedve дэх бүртгэлээ болон түүнд холбогдох бүх датагаа хэдийд ч устгуулах эрхтэй. Энэ хуудас яг хэрхэн хүсэлт гаргах, юу устахыг тайлбарлана.

Хэрхэн хүсэлт гаргах вэ

Бүртгэлдээ ашигладаг имэйл хаягаасаа [email protected] рүү захиа илгээнэ үү. Захианы гарчигт "Дата устгах" гэж бичээд, дотор нь дэлгүүрийнхээ хаягийг (жишээ нь: mongol.hedve.com) заавал бичнэ үү.

Хүсэлтийг зөвхөн дэлгүүрийн эзний бүртгэлтэй имэйлээс хүлээн авна — өөр хүн таны дэлгүүрийг устгуулах боломжгүй. Шаардлагатай бол бид таны биеийг нэмж баталгаажуулна.

Юу устах вэ

Таны бүртгэл — нэр, имэйл, утас, нууц үг.
Дэлгүүрийн бүх дата — бараа, борлуулалтын түүх, нөөцийн хөдөлгөөн, ачаа/тээврийн бүртгэл, кассын тулгалт.
Таны нэмсэн худалдагчдын бүртгэл.
Дэлгүүрийн нэр болон байршуулсан лого зураг.
Дэлгүүрийн хаяг (subdomain) чөлөөлөгдөнө.

Зөвхөн зарим хэсгийг устгах

Бүх бүртгэлээ биш, зөвхөн тодорхой зүйлийг (жишээ нь логоо) устгуулахыг хүсвэл захиандаа тодорхой бичнэ үү — бид зөвхөн түүнийг устгана.

Хэзээ устах вэ

Хүсэлтийг 7 хоногийн дотор баталгаажуулж, үндсэн системээс 30 хоногийн дотор, нөөц хуулбараас 90 хоногийн дотор бүрмөсөн устгана. Устгаж дууссаны дараа танд имэйлээр мэдэгдэнэ.

Юу үлдэж болох вэ

Хуулиар хадгалахыг шаардсан баримт (жишээ нь татварын бүртгэл) байвал зөвхөн тэр хэсгийг хуульд заасан хугацаанд хадгална. Бусад тохиолдолд юу ч үлдэхгүй.

Буцаах боломжгүй

Устгасан датаг сэргээх боломжгүй. Борлуулалтын түүх, тайлангаа хадгалж авах бол устгах хүсэлт гаргахаасаа өмнө хуулбарыг нь авахыг хүснэ үү — [email protected] хаягаар хүсвэл бид өгнө.